العب كورة اكبر موقع رياضي في الشرق الاوسط
تقرير : نورهان الطيب
فتحت جماهير الاهلى العاشقة للكيان الكبير النار على الإعلامى احمد شوبير حارس الاهلى الأسبق عبر مواقع التواصل الاجتماعى وصبت جام غضبها عليه بسبب موقفه المفضوح من مناصرة شيكابالا الذى تجرأ على الاهلى وجمهوره برقصات إباحية مستمرة بدأها فى السوبر المصرى بالإمارات على أرض الواقع ؛ ومازال يواصلها عبر صفحته الشخصية دون ادنى احترام لجمهور القلعة الحمراء !!
وهاجت جماهير الاهلى وماجت من موقف شوبير المفضوح والمساند لشيكابالا بسبب علمهم بأن شوبير فعل ذلك ليس من باب الأخلاقيات وإنما من باب المصلحة الشخصية ، حيث أعلن شوبير خوضه انتخابات رئاسة اتحاد الكرة ضد المهندس هانى أبوريدة عضو الفيفا ويتطلع شوبير إلى استمالة واستعطاف مسئولى وأنصار الزمالك لنيل رضاهم فى انتخابات الجبلاية القادمة وذلك من خلال مناصرة شيكابالا !!
وقال عبد الرحمن سعد زغلول ابرز مشجعى الاهلى موجها كلامه إلى شوبير تحت عنوان “الاخلاق لا تشترى”:مش فاهم يا كابتن شوبير؟ انسان ايه ودعم ايه وزفت ايه، ده عربجى وتربية شوارع واساء لجمهور النادى الاهلى بالكامل، واساء لمصر والجالية المصرية بدبى، وجايب التهزيء لأهل بيته لانه مش محترم وعديم الاخلاق وعديم التربية.
الأخلاق لا تشتري، والوقعات كثيره ومعروف مين بدأ .. انا مابدفعش عن جمهور الأهلي، اكيد الغلط في الأعراض حاجه مش كويسه، ولكن سب صالح سليم رحمه الله عليه وحسن حمدي ورفع الحذاء امام جمهور النادي الأهلي و غيره و غيره و غيره شيكابالا مش برئ من اللي بيحصل هو اساس المشكله.
وواصل رسائله الى شوبير قائلا : مينفعش تدعم عربجى يا كابتن، وانت محسوب على النادى الاهلى، مينفعش تاخد لايكات على صفحتك على حساب جمهور الاهلى.
وقال مشجع اهلاوى آخر يدعى محمد الاهلاوى على صفحته : انت أساليبك رخيصة يا كابتن شوبير ومش ممكن تعمل حاجة لله .. اول مصلحتك ما جت رحت راكب على الاهلى وجمهوره انت عايز ايه من الاهلى وكفاية مصالح احنا اتخنقنا منك..فاكر المانشت ده والا افكرك فعلا من شاب على شئ شاب عليه !!
وأكد مشجع اهلاوى آخر يدعى سيد عامر عبر صفحته الشخصية التى تحمل شعار الاهلى : انت عايز ايه يا كابتن شوبير من الاهلى وجمهور الاهلى ..مصلحتك اتعملت وابنك طفش شريف اكرامى وركب مكانه بالكوسه والمحسوبية ود سقطة كبيرة مش ممكن تتنسى للخطيب لأن وجود ابنك الأقل فى المستوى من كل أقرانه سقطة كبيرة وطعنه فى قلب المبادئ الأهلاوية ..الخطيب ضغط على فايلر علشان يقيد ابنك لأنك وقفت معاه فى الانتخابات وطفش شريف اكرامى لان ابوه ماكنش معاه فى الانتخابات خليك مع شيكازبالا!!
