أسرار أول حالة تمرد فى الاهلى .. سراج ليس بطلا !!

بقلم : ياسر عبد العزيز

كشفت حالات القصف المتبادلة بين المستشار تركى آل شيخ رئيس هيئة الترفيه بالمملكة العربية السعودية ومجلس إدارة الاهلى برئاسة محمود الخطيب رئيس النادى عن ظهور محمد سراج عضو المجلس ممثلا لأول حالة تمرد وعصيان فى قلعة المبادئ والقيم .

خرج محمد سراج فى وصلات ردح للرد على تركى آل شيخ ووبخه ونعته باقذر الألفاظ وكتب على صفحته الشخصية مجيبا على تساؤلا طرحه تركى ال شيخ عن من هو سراج وواصفا إياه بالهلفوت ؟ فجاء رد سراج على النحو التالى :

هو انا متربي وهادي الحمد لله ودي نعمة ربتني عليها والدتي الأستاذة الجامعية ووالدي وهو لواء مدفعية سابق في الجيش المصري بس افتكر انه كان علمني كمان ان الكرامة دي اعلى واهم صفات الإنسان وان عمري ما اقبل اي تجاوز في حقي وانا بشفق عليك حقيقي لأنك ملقتش حد يربيك تربية سوية أو يعلمك ان مش كل حاجة المظاهر والشو والهبل اللي بتعمله ده اللي خلاك مسخة أمام العالم كله في قيم ومعاني واصول اهم وأسمى من كده بكتير بس انت معذور متعرفهاش بحمد ربنا اني اتربيت كده وانا مش بشوفك يا تركي ال شيخ من اول يوم غير واحد ناقص وجاهل وهفضل اشوفك كده على طول وعلى فكرة انت مش كاسر عيني وانت عارف كده كويس ولا عمرك هتقدر في أحلامك حتى تكسرها ولا انت ولا اتخن تخين

وقال سراج فى بوست آخر على صفحته : بعيد عن الكورونا ربنا يحفظنا ويسلمنا منها جميعاً في فيروس عجوز موجود من زمان في قطاع الرياضة في مصر وفي فيروس تاني عيل لسه مستجد من الخارج الفيروسات دي بتنشر فتن وقرف ومشاكل طول الوقت في الرياضة وبين الناس وبين بعض وبين أكبر جمهورين في مصر اللي انا واحد مرضاش باحداث اي نوع من أنواع الفتنة بينهم بأي شكل من الأشكال احنا في النهاية ولاد بلد واحدة نختلف اه نهزر مع بعض اه لكن تطاول وأذى ده منبوذ ومرفوض بالنسبالي من الجانبيين..المشكلة ان الفيروسات دي مختلفة عن الكورونا في حاجة وهي ان لها علاج بس العلاج لازم يجي من الدولة ويكون جذري الدولة اللي انا بحترمها وبقدرها عشان محدش يزايد عليا انا ابن مؤتمر الشباب ودايماً بكون فخور بده وظهوري الأول هناك في ٢٠١٦ وعرضي لأفكاري كان دفعة ونقلة ليا في أمور تانية كتير مؤتمر شباب مصر اللي كله طموح وتفاؤل وفكر ونقاء مش أجواء عشوائية وفتن وبلطجة تعوق الواحد عن أهدافه وطموحه الحقيقي لرفعة بلده وناديه المفضل اتمني يكون في مستمع لأن فاض الكيل…اللهم بلغت اللهم فاشهد

السؤال الذى يفرض نفسه الآن لماذا خرج سراج متمردا وشاذا عن كل أفراد مجلس الادارة الذين هاجمهم تركى آل شيخ بقسوة والجواب جاءنا من الكواليس : أن سراج ليس بطلا وإنما كان مجبرا على ذلك بعدما قام تركى آل شيخ بفضح كتائبه الالكترونية عبر تسجيلات قام بتسريبها عن مجموعة من رجال والسوشيال الذين كان يوظفهم سراج فى ضرب تركى آل شيخ فكان طبيعيا أن يرد بقسوة عليه .

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *