العب كورة اكبر موقع رياضي في الشرق الاوسط
أعلن صلاح أمين الملقب بطلان الأهلي والزمالك اعتزاله كرة القدم رسميا عبر صفحته الرسمية على الفيس بوك .
اقرا ايضا .. حقيقة خناقة عبدالحفيظ ونجم الأهلي
وقال صلاح أمين فى بيان رسمي :
مشوار طويل جداً وسنين لعب كتيرة جداً ، لبست تيشرتات أندية كتير وإتشرفت باللعب تحت قيادة مدربين محترمين وزاملت لعيبة محترمة كتير ، لكن أكيد مهما طال عُمر لاعب الكورة هيجي وقت ولازم يعتزل ، هيجي وقت وهيبقي مسئول لكن مش جوة الملعب ، الوقت ده جه دلوقتي .
قررت أعتزل وحاسس إني أديت مهمتي كلاعب كرة قدم علي أكمل وجه ، عمري ماكنت بتاع مشاكل ولا عمري أذيت لاعب ، كنت دايما بحب الخير لزمايلي المهاجمين قبل المدافعين ، عايز أشكر كل نادي تواجدت فيه وإتشرفت باللعب فيه ، عايز أشكر كل لاعب زاملته ، عايز أشكر كل لاعب كان منافس ليا في الفرق الأخري .
عايز أشكر كل إعلامي إتكلم عليا سواء إنتقدني أو مدحني ، وطبعاً بشكر كل جماهير مصر اللي كانت خير دعم وسند وكنت بشوف مظاهر الحب في كلامهم ونظراتهم بالرغم من إني ملعبتش أهلي وزمالك ، في النهاية تركت الملعب كلاعب ودلوقتي بقيت مدرب و إن شاء الله أقدر أعمل حاجة كويسة في اللي جاي … إدعولي.
