أخبار عاجلة
كارلوس كيروش المدير الفني لمنتخب مصر

يحيا الهتيفة ..وليذهب كيروش الى الجحيم !!

شهاب طارق

هو في كام نقطة كده الواحد كان عاوز يتكلم فيها بخصوص المنتخب مع كارلوس كيروش بس قولت بعد البطولة ما تخلص والموضوع يكون حتى Fair بشكل كامل..

نختلف مع ‏الراجل في قناعته بمروان حمدي وحسين فيصل وقصة أن اسيب محمد شريف على الوينج.. ممكن يكون قفشة بالنسبة له اللاعيب إللي ينفذ فكره بغض النظر إنه قال قفشة مصاب ومش عاوز احمل عليه.. دي شوية حاجة على مجمل البطولة

بالنسبة ليا كل ده الراجل بيجرب وبيشوف طرق لعب جديدة جمل جديدة مين قادر ينفذ في بطولة فيها طابع انها رسمي مع شوية ضغوط مين قادر يستحمل ومين فعلا محلي

لكن الناس قررت تحكم على مدرب جايب لاعيبة البنك و سموحة قدام أقوى المنتخبات العربية كلهم إنه مدرب هجاص!! مدرب الريال والبرتغال واليونايند و كولومبيا وايران حمادة من كوم شنح وعبده من كوم البط قرروا إنه هجاص ونصاب!!!

حكموا على منتخب من غير محمد صلاح أحسن لاعيب في العالم في الوقت الحالي ومصطفى محمد وعمر مرموش ومصطفى محمد و تريزيجيه ورمضان صبحي وعبد الله السعيد حتى لو هيلعب ربع ساعة إنه منتخب فاضي مش هيصعد كأس العالم ولا هيعمل حاجة في الأمم!!!

طب بانهي حجة ولا منطق ؟ هي بطولة محليين وهي دي الخيارات المتاحة في مصر هيروح يجيب مين ؟ ولا هيروح بعشر لاعيبة بس!

وصول الفرقة دي لنص النهائي ده إنجاز لا يمكن اننا نتجاهله.. آه في شوية حاجات غلط لكن ماهو أصلا ميعرفش حد وطبيعي يجرب في تجمع كله ودي في ودي

الراجل جي عشان كأس العالم والصعود له.. فجأة قالوله قدامك شهر صعدنا والنبي والحقنا على مجموعة ميتين سواء ليبيا أو الجابون أو أنجولا

طب البدري كان معاه الاساسين والمحترفين ومعرفش يلعب على الجابون و أنجولا.. اومال بالمحليين هيعمل إيه على فرق عريبة فعلا قوية جدا حتى لو ناقصين فأنت كمان ناقص ومش كامل

طب كان هيعمل إيه في كأس الأمم وحتى الماتش الفيصل للصعود لو كان قادر اننا نصعد!

أخيرا.. الناس العاطفة بتحركها.. بس فعلا ياريت تحركهم في أي حاجة غير الفترة دي مع المنتخب!!

عن shehab shehab

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

https://www.high-endrolex.com/37