أخبار عاجلة

رضا خليل يكتب.. موسيماني وكولر.. والافضل للاهلي

مشكلتي الاساسية و الرئيسية مع موسيماني مش انه خسر الدوري سنتين مع النادى الاهلي رغم ان دي في حد ذاتها صعبة و جمهور الاهلي لا يمكن تقبلها.

اقرا ايضا.. بسبب حكام مباراة القمة .. أزمة كبرى في الطريق

انما مشكلتي انه اناني فكر في نفسه بس من اجل اللقطة و الشو و انه يسطر تاريخ باسمة في اقل وقت دون النظر لما هو قادم ، موسيماني استنفذ الفرقة حرفيا و امتص حماس و جودة اللاعيبة و سابهم في اقل مستوي و اضعف فورمة بعد ما كانوا مع فايلر افضل لاعيبة القارة بدليل انه خد دوري الابطال تقريبا بدون ما يدخل اول سنة امام الزمالك.

انك ترفع مستوي لاعيبتك بدنيا و فنيا و خططيا و ذهنيا جزء لا يتجزأ من دور المدرب اللي يشمل الخطط والتكتيك والتعامل مع اللاعيبة و زرع الثقة …

و اهم ما في الموضوع بعد السيستم اللي المدرب بيحطة هو رفع درجات الخيال و قراءة سياق المبارة و الخصم عشان لو يوم المدرب عطل اللاعيبة تقدر تتحكم في الكرة حاجة كده عاملة زي انشلوتي مع الريال وقت ما بيعطل عنده لاعيبة تقدر ترتجل و تفكر و تقرر..

اللي كولر بيعمله من وقت ما استلم الفريق هو اصعب مهمة بالنسبة للمدرب ، انت مش بس جي تطبق خططك و ترفع كفاءة الفريق ، لا انت جي تشتغل علي لاعب لاعب و تشوفه مميز في اي و عنده قصور في اية ، غير القصور في بعض المراكز ، غير ملف الاصابات اللي كولر اشتغل زي ما احمد عز قال قبل كده علي انشلوتي انه احسن ترزي في العالم انا بقولك كولر احسن ترزي في افريقيا حاليا راجل مش بيشتكي و بالبلدي كده بيأيف الخطة علي القماشة الموجودة و اللاعيبة الجاهزة و مهتم بالتفاصيل كلها و منساش تصميممه علي تغير الملعب لستاد القاهرة و بيعمل في صمت ..

كولر وصل بمجموعة من اللاعبين لمستوى فني و خططي عالي ودول لدرجة اللاعيبة بقي عندها وعي في التحرك و فتح المساحات و تضييق الخناق عالخصوم و قراءة سير و مجريات اللعب ..

مع كولر شوفنا

محمد عبد المنعم احسن مدافع في افريقيا و بيعيش احلي اوقاتة

محمد هاني بيقدم اجمل مواسمه مع الفريق..

ياسر ابراهيم في قمة النضج و الفورمة و بيكون ثنائي جبار مع منعم و دائمآ حاضر

حمدي فتحي هداف و عنده مهام مختلفة ،

بيرسي تاو نفسه قالك انا مبقتش اتصاب و ده يرجع لشغل المدرب..و شوفناه بيلعب ٦ ماتشات ورا بعض

كهربا ملتزم و هداف الفريق …

حسين الشحات احسن جناح في القارة

معلول قيمة و قامة و افضل لاعب في المساهمة الهجومية …

حتي قفشة بدا كولر يستفاد منه و بدا بكشب الثقة..

ناقص بس طاهر و عبد القادر و يبقي الراجل ده عمل معجزة.

ده الراجل بعت يجيب اجهزة للتدريب علي ضربات الراس و الارقتاء اللي كل لاعيبة الدوري المصري بتعاني منها..

كولر مكسب كبير للاهلي و الكرة المصرية واي لاعب مش هيستفاد هيخسر كثير اوي

عن Esraa Gaber

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

https://www.high-endrolex.com/37