العب كورة اكبر موقع رياضي في الشرق الاوسط
كشف مجدي عبدالغني، نجم الأهلي السابق، عن سر انتقاده الدائم لمجلس إدارة النادي الأهلي برئاسة محمود الخطيب، خلال الفترة الماضية.
اقرا ايضا .. صراع شرس من أندية الدوري على ضم لاعب الأهلي
وقال مجدي عبدالغني، في تصريحات تليفزيونية عبر فضائية «الشمس»: «أنا بنتقد النادي الأهلي بغرض الإصلاح وليس كرهًا في النادي ولا التقليل من أي شخص».
وأوضح: «نقدي للنادي الأهلي ليس له علاقة بالكيان، أنا مبتكلمش على كيان، الكيان ده (طوب وصرح وتاريخ ومباني وصالة جيم)، عندما انقد من أجل الإصلاح هكلم مين؟ هكلم المسؤول الذي يتولى إدارة النادي».
وتابع: «مش في فترة من الفترات اتقال على النادي الأهلي إنه مخطوف ولا أنا غلطان؟ اتقال وإللي مسمعش يسمع».
وأكمل: «في مؤتمر انتخابي لمجرد إني حطيت ايدي على كتف رئيس النادي الأهلي، رئيس النادي اتقطع واتقطع من مين من صديق عزيز وهو الكابتن أحمد شوبير، وقال وقتها (في رئيس نادي يسيب واحد يحط ايده على كتفه) وهاجم رئيس النادي بشراسة»، مضيفًا: «هو لما شوبير نقد رئيس النادي، معنى ذلك أنه ضد النادي الأهلي؟ لا هو كان ينتقد موقف معين، شاف حاجة معجبتوش هو حر، زي ما أنا حر انتقد ميكيسوني، مش معنى ذلك إني بكره الأهلي.. المفاهيم غلط في دماغ العيال الصغيرة اللي بيقبضوهم، يا أخي مطلعش جيل جاهل وفهمه إنه بيكتب الكلام ده عشان بيقبض».
وأردف: “الدليل على إن كلامي صح، إن مفيش نادي طلب التعاقد مع بيرسي تاو، أنا مش بتكلم عشان أشمت في المسؤولين وإنما من أجل الإصلاح حتى لا نظل في دوامة (ميرجعلناش الدوري تاني)، وأنا الدوري هو عشقي لما كنت بلعب، لو الدوري فات مني سنة مينفعش يفوت الثاني ولا الثالث«.
واسترسل: «النقد من أجل الإصلاح.. الأهلي في الموسم الماضي أصدر بيان وأعترف بأن هناك أخطاء سوف يتداركها»، مضيفًا: «مفيش حد مبيغلطش، هو اللي ماسك الأهلي والزمالك مبيغلطوش، بيغلطوا واللي ماسك الاتحاد السكندري والاسماعيلي بيغلطوا أي شخص بيغلط»، مؤكدًا: «النقد ليس له علاقة بالكيان».
