العب كورة اكبر موقع رياضي في الشرق الاوسط
تخيلوا معايا كده ان السيناريو ده ممكن يحصل مع شيكابالا والاهلى !!
1- بعد تصريحات شيكابالا ، مرتضى منصور هيسخن وياخد قرار بفسخ عقد شيكابالا ، وحذف اسمه من قايمة الفريق
2- شيكابالا هيحس بالظلم ويكمل في الملاعب ويفكر في الانضمام للأهلي كنوع من الانتقام الشخصي خصوصا وان الزمالك هو اللي سابه بمشكلة كبيرة
3- الأهلي هيقرر التعاقد مع شيكابالا كصفقة تاريخية مدوية لاسم اللاعب وتاريخه في الزمالك حتى لو هيكون بديل ، وكنوع من انواع العند والمكايدة برضه اللي بين الخطيب ومرتضى منصور بضم نجم الزمالك التاريخي
4- ينضم شيكابالا للأهلي ويلعب مع كهربا وامام عاشور !!
5- شيكا يكون ليه دور كبديل مؤثر في الأهلي وينزل يساهم في أهداف مهمة ومؤثرة مع الفريق ويساهم في تتويج الأهلي ببطولات ، وكمان يسجل هدف او اتنين في الزمالك يحقق بيهم الأهلي بطولات
6- الأهلي يتوج بكل البطولات الممكنة في الموسم المقبل وشيكابالا يختم مشواره بموسم تاريخي بالتتويج بكل البطولات المحلية والقارية ولكن بقميص الأهلي مش الزمالك (ومنهم دوري أبطال أفريقيا لأول مرة في تاريخه وكمان يلعب في كاس العالم للاندية لأول مرة في تاريخه وياخد ميدالية) !!
7- كل بطولة من اللي ياخدها الاهلي يتنازل كابتن النادي الأهلي عن استلام الكاس ويخلي شيكا هو اللي يطلع يستلمه احتراما لتاريخه وسنه وبرضه مكايدة في الزملكاوية ، وكل مرة شيكا يطلع يستلم الكاس يرقص رقصته الشهيرة
8- اعلام وجمهور الأهلي ساعتها طبعا هيتغزل في شيكابالا ويحبه ويشيد بيه ويهتف باسمه ، واعلام جمهور الزمالك هيهاجمه ويكرهه ويشتمه !
