العب كورة اكبر موقع رياضي في الشرق الاوسط
٨ أشياء جديدة ذكرتها أسرة ممدوح السبيعى المعروف بـ”بيج رامى” الفائز بأهم بطولة كمال أجسام في العالم بلقب مستر أولمبيا، والتي أقيمت في الولايات المتحدة الأمريكية وذلك فى تصريحاتهم الخاصة لموقع العب كورة .
إقرأ أيضا: …..كيف كرم وزير الشباب والرياضة مستر أولمبياد ؟!
وإليكم الثمانية أشياء التى لا يعرفها أحد عن مستر أولمبيا” بيج رامي “ على النحو التالى:
أمه غنت له زى حليم !!
اولا : تقول والدة بيج رامي : “ماكنش خايف وباس رجلى وأيدى ورأسى قبل السفر وقالى ادعيلى يا أمى، وإن شاء الله عمر اللقب ما هيخرج عن مصر .
وقولت له : افرح يا حبيبى زى ما عبد الحليم بيقول زى الفرحان بنجاحه وغنيت له، وكنت مطمئنة أنه هيكسب .
ثانيا : تقول والدته : رامى ده حاجة من عند ربنا ومعايا 7 بنات و4 بنات وهو قبل الأخير في ترتيب الأولاد”.
بياكل كويس :
ثالثا : قال محمد شقيق رامى: “رامى واخد نصيب الأسد في حب أمى وكل اللى كان بيعمله كان بياكل كويس جدًا وبيحافظ على نفسه”.
حلم البنات :
رابعا : قالت زوجة بيج رامى: روتين رامى صعب أي حد يتحمله وماشى بسيستم معين ومقيد بيأكل معين وبياكل 5 لـ6 وجبات يوميًا خلال 8 أشهر .. ويتمرن مرتين في اليوم،
خامسا : تقول زوجته : وكل شيء ماشى مع رامى بدقة كبيرة لو نام ساعة زيادة أو قصر في شيء معين كان يقولى لما تشوفنى مقصر في حاجة رجعينى وحسبينى علشان أخلى بناتى فخورين بيا”.
مولود بعد ٩ سنوات :
سادسا : وأضافت زوجة بيج رامى: “أول حاجة سألنى عليها بعد التتويج بالبطولة قالى بناتى مبسوطة وقالوا إيه، وقالى حلم الـ9 سنين اتحقق والبنات يكونوا مبسوطين أننى أنا أبوهم”.
محترم ويقدر الناس :
سابعا : وعن مشواره قالت زوجة بيج رامى: “أول ما بدأ لعب كمال الأجسام قالى ده شغلى وأكل عيشى فلازم أكون بضحك لأى حد يتصور معايا، ومتفهمة جدًا كل شيء وتلهف كل الناس عليه لكنه محترم ويقدر كل شيء بحساب، وكان بيقولى قبل السفر عاوز أبسط الناس وأفرحهم وخايف أكسر قلبهم وعاوز بناتى تكون فخورة بى”.
أقوى من كورونا :
ثامنا : وتابعت زوجته : “رامى بعد ما جاله فيروس كورونا راحت بطولة إسبانيا وحلم أولمبياد طوكيو كان راح منه وكان الأمل البسيط أن يجيلوا دعوة وبعد ما تخلى الرعاة عنه قالى متخافيش ربنا عمره ما هيسبنا، وبالفعل جت له الدعوة وشارك وخد البطولة علشان هو تعب جدا”.
